Chapangho dinga Department tum neilou akhoh to dungjuijin 21st TBA General Assembly December 15, 1997 chun Department thah – Child Evangelism Department hi ana hongdoh’in ahi.
CED Executive member masapenho chu: Pu. SK. Thanglenmang (President), Pu. SL. Tonglen, Ng. Ngahnu chule Ng. Hatnu ahiuvin, CED Annual Report masapen chu CED Secretary masapen Ng. Hoineichong’in TBA General Assembly 1998 kuma anapen ahi.
CED natoh thupiho chu: Houbung tina chapangho dinga Bible Camp bol; la, music, lam, choreography, Bible thu, Bible actions leh adang dang hil ahi. Kumseh leh CED Day of Competition aboljin, Houbung tina CED ho ahung khom jiuvin lamchom choma kitetna aneijiuvin ahi. Chuleh CED Executiveho leh houbung tin’a CED lamkaihon kumseh leh nivei thumvei an-ngol taokhomna jong anei jiuvin ahi.
