THUMAKAI
Manipur gamsunga cheng Thadoute hi sahlam sanga Angami Nagaho toh kigamgi, solam sanga Burma to kigamgi, lhanglam sanga Chin Hills le Mizoram to kigamgi’a cheng nam thupi tah, pao, chon le khan chule kivaipohna atumbeh’a nei mite ahiuve. Thadou Tribe sunga phungkhai 31 hohi Government’in India sunga dinga Tribe khat (Thadou tribe) ahi ti’a 1956 kuma chu hetpehna anei ahitai. Directorate of Census Operation Manipur’in apeh dungjuija Thadou population chu: 1931 kuma 47,046; 1951 kuma 44,976; 1961 kuma 47,994; 1971 kuma 59,955; 1981 kuma 56,467; 1991 kuma 1,21,994; 2011 kuma 1,82,594; chuleh 2011 kuma 2,15,913 ahi.
THADOU TE LAH'A CHRISTIANITY HUNGLUT
Sahlam (Northern)Manipur gama Christianity sakho hi American Baptist Mission Society’a kon William Pettigrew vin February 6, 1894 kuma ahin pohlut pat ahi. Pu Ngulhao Thomsong, Thadou te lah'a Christian himasapenpa hapan na jalin Thadou Baptist Houbung masapen Tujangwaichong Baptist Church chu 12 December, 1914 kumin ana kiphutdoh'in ahi. Aban bana hung kiphutdoh Houbungho chu: Langkhong - 1914-1915, Shenbangyang - 1917, Tongkoi le Chaljang - 1919, Karakhun, Songphel Khulen, Gelnel, Kachai Kuki - 1920, chule Lhongchin - 1922 ahiuve
KUKI BAPTIST ASSOCIATION KIPHUDOH
1949 kumchun Thadou-Kukihon Tujangvaichong muna khoppi ana mangun, hiche muna chun Association tum nei dingin ahung kilol lhauvin ahi. Association kiphudoh nading chun Pu. Satkhosei Thangeo, Pu. Seilen Hangsing, Pu. Otkhosei Haokip, Pu. Tongkhopao Ngoilu, Pu. Mangkhohen, Pu. Palal Lhouvum chule Pu. Lenjahao Malneo’in sum phabepbep ahin tohkhumun, Pu. Seikholet Singson chu lhalo Rs. 40/- toh Evangelist-cum-Organiser dingin asoldoh taovin ahi. Akingansena bangchun Evan. Seikholet’in jong Kuki houbungho achonsoh’in, Association tum kiphudoh nadingin organized abol letai.
Hitichun, 1950 kumbul lamin South Changoubung vangkho’a kikhopna aneijun, Kukite changtuma ding Association, ‘Kuki Baptist Association’ (KBA) chu ana phutdoh taovin ahi. Association lamkai masapenho chu: Chairman, Pu. S.L. Palal (chomkhat jouvin Pu. .L. Lunneh’in akhelpai tai); Field Secretary, Pu. Tongkhohao Hangsing; Field Evangelist, Evan. Seikholet Singson; Treasurer Pu. Tongkhothang; Pastor chu: Pastor Pakho Sitlhou leh Pastor Tongkhopao Ngailut ahiuve. Hitichun Kangpokpi’a cheng Pu. Songneh Lhouvum inn chu office din bahara’in ana laovin, KBA chu ahung kitolpan tai.
KBA chu gam le Office beija hitheilou ahijeh chu Evan. Seikholet Singson (Field Evangelist) le Pu. S.L. Lunneh (Chairman) ‘in Mr. V. Sundaram (Deputy Commissioner of Manipur) henga gam agathum lhonin ahileh Sundaram’in jong Motbung muna Government gam acres 17½ chu Mission Compound din ana pen ahi. Hichun office chu Kangpokpi muna konin Motbung muna ahung kichontai.
MBC & CBCNEI ‘IN HETPEHNA ANEI
Rev. Seikholet Singson MBC Executive Secretary dinga appoint ahung kibola, CBCNEI Executive Member ahunghi chun KBA chu MBC le CBCNEI ‘in recognised abolna din pan ahin lan, 1955 kumin MBC le CBCNEI ‘in KBA chu Manipur Baptist Association (MBA) No. 5 dingin recognised ana boltai.
MBC le CBCNEI ‘akon recognition akimu jouvin Pu. Pu. Mangkho Thomsong chu Director masapen dinga lhendoh ahin, Pu. Paokhosem chu clerk, chuleh pastorho chu: Pastor Pakho Sitlhou, Pastor Tongkhopao Ngailut, Pastor Lungkhohen Misao, Pastor Songjalun, Pastor Henkhosei Lhangum, Pastor Songkhopao Mangte chule Pastor Tongkhohen Lhoujem ahiuve.
KUKI BAPTIST ASSOCIATION (KBA)’A KON THADOU BAPTIST ASSOCIATION (TBA) TI'A AHUNG KIMINVO
Kuki Baptist Association chu Kuki nampi noija um tribe tampi kigom khoma ana kisema ahi. Manipur sunga Christianity ahung machal chehcheh phat chun tribe jouse ama ama tribe dungjuija Association semthei dingin ahung pilhing gam taovin, hitichun akhonnan KBA, MBA No. 5 chu Thadouho bou ahung hitai. Chujongleh hiche phat laitah chun MBC leh CBCNEI ‘in jong number dungjuija Association kihop chu ahin sumang lhonin, a tribe min dungjuijuva Association akiminvo thei diuvin phalna ahin pelhontan ahi.
Hijehchun, September 28 – October 1, 1971 sunga Haipi Houbung muna General Assembly’a chun ana seikhomun; September 30, 1971 nikho chun KBA houbungho’a kon thalhenga kikhom member cheng chun lungkhat tah’in Kuki Baptist Association (KBA) chu Thadou Baptist Association (TBA) tin akhel taovin ahi. Rev. Helien Kipgen chu TBA Field secretary masapen dinga lhendoh anahi.
Kuki Baptisti Association, Thadou Baptist Association tia akikhel hi Manipur Baptist Convention of Churches vide Resolution No. 16, Sl. No. 1 of 53rd MBCC Assembly, dated: Imphal, the 3rd December, 1971 chun approve ana boltai.
1971 KUMA TBA TIA AHUNG KIMINVO'A PAT PRESIDENT HOLEH EXECUTIVE SECRETARY HO
President ho:
1. Tongkhothang Kipgen (1971-1972)
2. Vumlun Haokip (May – December, 1972)
3. Khuppao Missao (1973-1975)
4. Henkholen Sitlhou (1976)
5. K.H. Paokhosem (1977-1979)
6. Lamkholen Kipgen(1980-1982)
7. S.K. Lhunkam (1983-1985)
8. S.L. Seimang (1986-1987)
9. Vumkam Kipgen (1988-1989)
10. Lhunkam Sah’um (1990-1996)
11. Seitinthang Kipgen(1997-2001)
12. T.K. Siema Singson (1/12/2001-2005)
13. S.L. Lamthang (2006-2009)
14. L. Tongpao (2009-2010)
15. D. Angel (2010-2011)
16. S.L. Paojagin (2012 - 11/2/2018)
17. Rev. Vumthang Sitlhou
(11/2/2018 till date)
Executive Secretary ho:
1. Rev. Helien Kipgen (1/1/1971 - 11/2/1982)
2. Rev. Satjasei (11/2/1982-2/4/1082)
3. Rev. Thangkholet Kipgen (12/4/1982 - 15/1/1985)
4. Rev. Vumthang Sitlhou 16/1/1985-10/5/1986)
5. Rev. Satjasei (10/5/1986-5/5/1988)
6. Rev. Vumthang Sitlhou (6/5/1988 - 10/7/1996)
7. Rev. Thangkholet Kipgen (11/7/1996 - 1/11/1998)
8. Rev. Vumthang Sitlhou (2/11/1998 - 2000)
9. Rev. Thangkholet (1/11/2011 - 2009)
10. Rev. Paotinlal Lhouvum (2009 - 2010)
11. Rev. Khaikhothang Singson (2011- October, 2012)
12. Rev. Lunkholal Kipgen (October, 2012 - February, 2013)
13. Rev. Vumthang Sitlhou (February, 2013 - 11 Feb.2018)
14. Rev. Lunlal Kipgen (11 Feb., 2018 till date
